პროექტის შესახებ

პროექტს ახორციელებს ISET-ის კვლევითი ინსტიტუტი USAID-ის ეკონომიკური მმართველობის პროგრამის მხარდაჭერით. რეფორმეტრის მიზანია შერჩეული ეკონომიკური რეფორმების პროგრესის ანალიზი, რეფორმით დაინტერესებულ მხარეებს შორის დიალოგის ხელშეწყობა და რეფორმის განმახორციელებელი სამთავრობო უწყებების მხარდაჭერა რეფორმის ცნობადობის და ეფექტიანობის ასამაღლებლად. პროექტმა უნდა გაზარდოს როგორც ხელისუფლების ანგარიშვალდებულება, ისე ნდობა მთავრობას, კერძო სექტორსა და ზოგადად საზოგადოებას შორის. რეფორმეტრის პირველი ეტაპი 2015-2019 წლებში წარმატებით განხორციელდა, რის საფუძველზეც პროექტის ახალი ეტაპი 2021 წლის მარტში დაიწყო.

რეფორმეტრის პროექტის ფარგლებში შერჩეული რეფორმის პროგრესის შეფასება ჩატარდება სამი ძირითადი მეთოდოლოგიური ინსტრუმენტის გამოყენებით:

1) სამთავრობო კვლევა ხარისხობრივი გამოკითხვის გზით აფასებს რეფორმის განხორციელების პროცესში რეფორმის დამნერგავი სამთავრობო უწყებების საქმიანობას ოთხი ძირითადი მიმართულებით: საკანონმდებლო ჩარჩო; ინფრასტრუქტურა და ბიუჯეტი; ინსტიტუციური მოწყობა; კომპეტენციის გაძლიერება. აღნიშნული გამოკითხვა 0-100% შუალედში ზომავს, რამდენად ახლოს არიან რეფორმის დამნერგავი უწყებები რეფორმის მიერ განსაზღვრული ამოცანების შესრულებასთან.

2) დაინტერესებულ მხარეთა გამოკითხვის ფარგლებში რეფორმის დაინტერესებული მხარეები შეფასებას ოთხი ძირითადი მიმართულებით ახორციელებენ: რეფორმის შინაარსი და ადეკვატურობა; რეფორმის სფეროში არსებული ვითარება; რეფორმისდანერგვაში მიღწეული პროგრესი; რეფორმის მოსალოდნელი შედეგები. თითოეული კომპონენტი 10-ქულიან შკალაზე ფასდება.

3) რეფორმის პროგრესის შესაფასებლად ასევე გამოყენებულია კონკრეტულ რეფორმასთან დაკავშირებული ობიექტური ეკონომიკური ინდიკატორები.

გარდა შეფასების ზემოთ მოცემული სამი ინსტრუმენტის გამოყენებისა, რეფორმეტრის ფარგლებში მოხდება, ასევე, დაინტერესებული მხარეების თვისობრივი შეფასებების დასკვნის წარმოდგენა, ჩატარდება რეგიონული შეხვედრები და ცნობიერების ამაღლების კამპანიები რეფორმების ეფექტური დანერგვის მხარდაჭერის მიზნით.

ლექსო ალექსიშვილი

პოლიტიკისა და მენეჯმენტის საკონსულტაციო ჯგუფის (PMCG) ბორდის ხელმძღვანელი
ნატალია ბერუაშვილი

ექს ოფიციო წევრი, ხელმძღვანელი, USAID-ის ეკონომიკური მმართველობის პროგრამა
თამარ სულუხია

ექს ოფიციო წევრი, დირექტორი, ISET და ISET-ის კვლევითი ინსტიტუტი
გიორგი ჩერქეზიშვილი

სამდივნოს ხელმძღვანელი, ინვესტორთა საბჭო
სებასტიან მოლინეუსი

რეგიონული დირექტორი სამხრეთ კავკასიაში, მსოფლიო ბანკი
შეინ როზენტალი

საქართველოს წარმომადგენლობის ხელმძღვანელი, აზიის განვითარების ბანკი
ჟან-ფრედერიკ პოლსენი

საინვესტიციო საბჭოს თავმჯდომარის მოადგილე, საპენსიო სააგენტო